Yeh chaand pata nahi kaha chala gaya
Kal to yahi tha aasmaan pe
Maloom hai usko chehra baalne ki aadat hai
Par yun hi bina bataye
Pata nahi kaha nikal jaata hai har 30 din
Pichhli baar gaya tha
To sabne Diwali manayi thi
Ghar ghar roshni thi
Aur aasmaan pe aatishbaazi
Magar aisa to saal mein ek hi baar hota hai
Baaki mahiney to aasmaan aise hi nanga sa rehta hai
Aisa lagta hai jaise koi raaz chhupaye baitha hai
Taare bhi khamosh se rehte hai
Jaise unki roshni bhi chura ke bhaag gaya chaand
Kuch bhi kaho mehfil to wahi jamata hai
Chahe ungli jaisa bhi sookh jaaye woh
Aur jis din poore josh mein ho
To aasmaan pe bhi diwali banti hai
Lehro ki chaal badal deta hai
Dil ka mijaaz badal deta hai
Kai baar to suraj ko amavas deke angoothi pehna chuka hai yeh chaand
Angdayi liye jab ufaq pe hota hai
Kabhi peela taambey jaisa
Kabhi dhabbo se bhara chehra liye
To aisa lagta hai jaise sabko apni chhavi dikha raha hai
Jaise keh raha hai ki mujhko dekho, chhu ke to dekho
Par har koi daag liye sundar nahi dikh sakta
Yeh to chaand ki khoobhi hai
Na jaane kya jaadu kiye baitha hai
Kal ayega to poochhunga
Aaj na jaane kaha gaya hoga
Har 30 din kahi to jaata hai…
